Мемлекет басшысының тапсырмасы бойынша Шымкентте тұрғын үй құрылысын дамыту және халықтың баспана жағдайын жақсарту жұмысы кең ауқымда жүргізіліп, азаматтарды қолжетімді баспанамен қамту бойынша мемлекеттік бағдарламалар жүзеге асырылуда. Осы бағытта мегаполисте жыл соңына дейін 6 551 пәтер тапсырылады. Оның ішінде 1 126 жалдамалы пәтер және 3 692 несиелік пәтер бар. Бүгінге дейін қала тұрғындарына жалпы саны 1 733 пәтер кілті табысталды. 876 отбасы несиелік пәтерге ие болса, 857 отбасы жалдамалы үйлі болды. Баспаналы болған тұрғындардың қатарында мүмкіндігі шектеулі жандар, толық емес отбасылар және ерекше балаларды тәрбиелеп отырған ата-аналар бар. Сонымен қоса, жетім балалар мен ата-анасының қамқорлығынсыз қалған тұлғалар, бюджет саласының қызметкерлері баспанамен қамтылды. Енді жыл соңына дейін 4 818 пәтер иелеріне тапсырылады.Шымкент қаласы әкімінің баспасөз қызметі