2020 жылы Шымкентте 256 көше жөндеуден өтті. Оған бюджеттен 27 миллиард теңге қарастырылған. Бұл былтыр бөлінген қаражаттан екі есе артық. Демек, қаламыздағы біраз жолдар ретке келтіріледі. Бұл туралы қалалық жолаушылар көлігі және автомобиль жолдары басқармасының өкілдері мәлімдеді. Олардың айтуынша, жыл басынан бері 40-қа жуық көшеде жөндеу жұмыстары аяқталған.
Шымкент қаласында көлік жолдары 3 247 шақырымды құрайды. Биыл 49,8 шақырымды құрайтын 71 көшеге күрделі жөндеу жұмыстарын жүргізу жоспарланған.
Аталған жұмыстардың мердігері – «Отау Строй» және «Алем Транс Жол» мекемелері, ал техникалық жобалаушы болып «Pride group» және «Банур-1» ЖШС бекітілген.
Қазіргі уақытта 75%-ға жуық жұмыстар атқарылған. Барлық көше жыл соңына дейін пайдалануға беріледі.