Түркістандық Сағындық пен Ольга – жазғы Азия ойындарының жүлдегерлері

Қытайда өтіп жатқан Жазғы Азия ойындарында Түркістан облысының спортшылары да бақ сынап жатыр. Ұлттық құрама намысын қорғаған жерлестеріміз қоржынға жүлде сала бастады.

Алдымен бокстан 92 келі салмақ дәрежесінде сынға түскен Сағындық Тоғамбай қоржынға қола жүлде салды. Талантты боксшы Азия ойындарында Моңғолия және Иран спортшыларын жеңді. Жартылай финалда ринг қожайынына есе жіберді. Сағындық – Түркістан облыстық жоғары спорт шеберлігі мектебінің спортшысы.

Байдарка мен каноэде ескек есуден әйелдердің жұптық сайысында бақ сынаған Ольга Шмелева 500 метр қашықтықта күміс жүлдеге ие болды. Ольга – Түркістан облыстық су спорт түрлерінен олимпиада резервінің мамандандырылған балалар мен жасөспірімдер спорт мектебінің шәкірті. Су спортынан жүлде қоры толығады деген сенім бар.

Түркістан облысы әкімінің баспасөз қызметі