Бүгін аудан әкімдігі жанындағы төтенше жағдайлар жөніндегі комиссияның кезекті отырысы өтті. Аудан әкімінің орынбасары М.Жанесеннің төрағалығымен өткен басқосуға аудандық төтенше жағдайлар бөлімінің бастығы Б.Әзімбаев, дербес бөлім басшылары мен ауыл әкімдері және жауапты мамандар қатысты.
Күн тәртібінде аудан аумағында болуы мүмкін дала, тоғай, орман өрттерінің алдын алуға дайындық және Рысқұлов, Машат ауыл округтеріндегі Арыс өзенінің арнасын туралап, күшейту мәселесі қаралды.
Кеңес отырысын аудан әкімінің орынбасары М.Жанесен және аудандық төтенше жағдайлар бөлімінің бастығы Б.Әзімбаев қортындылап, хаттамалық шешіммен тиісті мекемелерге төтенше жағдайдың алдын алу, зардаптарын жою бойынша тапсырмаларды үйлестірді.
Түлкібас ауданы әкімдігінің баспасөз қызметі