Бүгін Төлеби ауданының 90 жылдығына және Ленгір қаласы күніне орай Төлеби баба стелласы салтанатты түрде ашылып, ел игілігіне пайдалануға берілді.
«Сүйікті қалам Ленгірім» атты мерекелік іс-шараға аудандық мәслихат хатшысы Нұрлан Қойбағаров, ардагерлер, қала тұрғындары қатысты. Аудандық ардагерлер кеңесінің төрағасы Әтірхан Шыңғысбаев сөз сөйлеп, қала халқын мерекемен, көрнекі нысанның ашылуымен құттықтады. «Данагүл» әжелер тобы мен аудандық мәдениет үйінің өнерпаздары жиналған қауымға концертік бағдарлама ұсынды.
Айта кетерлігі, экспозициялық кешенде Төлеби бабаның сурет бейнеленіп, нақыл сөздері жазылған. Стелланың ұзындығы 18,5 метр, биіктігі 4,5 метрді құрайды.
Төлеби ауданы әкімінің баспасөз қызметі