ШЫМКЕНТТЕ БУКРОССИНГ БҰРЫШЫ АШЫЛДЫ
Шымкентте кітап оқу мәдениетін қалыптастыру мақсатында “Кітап оқитын Шымқала” атты букроссинг өтті.
Ел тәуелсіздігінің 30 жылдығына орай өткен іс-шараны қаладағы Абай кітапханасы ұйымдастырып отыр.
Қала тұрғындарын әдеби шығармаларды оқуға баулу үшін “Нұрсәт” шағынауданы №130 мектептің жанына екі кітап сөресі қойылды. Кез-келген қала тұрғыны сөредегі ұнатқан кітапты оқуға алып, орнына қайта әкеліп қояды. Немесе, үйіндегі оқылған әдеби шығармаларды буккроссинг бұрышына сыйға да қалдыра алады.
Көшедегі кітап сөресі қала тұрғындарын кітап оқуға бағыттаумен бірге, жауапкершілік, адалдық, тазалық секілді қасиеттерді де қалыптастырады. Өйткені кітап сөресі бақылаусыз, ашық алаңда орналасқан.
Кітап сөресіне QR қосымшасы да орнатылған. Кітапсүйер қауым бұл қосымша арқылы кітапхана туралы және ондағы әдеби шығармалар мен авторлар туралы мәліметке қанық болады.
Ұйымдастырушылардың сөзінше, бүгінде Қаратау ауданында жүзеге асқан бастама алдағы уақытта қаланың басқа аудандары мен гүлзарында жалғасады.
Шымкент қаласы әкімдігінің баспасөз қызметі
Bainews.kz – мәтін түрінде, бейнекөрініс және сурет арқылы ақпарат тарататын тәуелсіз желілік басылым.
Сайт 29.03.2021 жылы Қазақстан Республикасы Ақпарат және қоғамдық даму министрлігінің Ақпарат комитетінде №KZ09VPY00033817 куәлігімен тіркелген.
Меншік иесі: «NUR-MEDIA PR GROUP» компаниясы.
Материалды көшіріп басу кезінде bainews.kz сайтына тікелей гиперсілтеме көрсету міндетті.
Сайтымыздың мобильді қосымшасын жүктеп алыңыз.
Сайт 29.03.2021 жылы Қазақстан Республикасы Ақпарат және қоғамдық даму министрлігінің Ақпарат комитетінде №KZ09VPY00033817 куәлігімен тіркелген.
Меншік иесі: «NUR-MEDIA PR GROUP» компаниясы.
Материалды көшіріп басу кезінде bainews.kz сайтына тікелей гиперсілтеме көрсету міндетті.
Сайтымыздың мобильді қосымшасын жүктеп алыңыз.