Саябаққа Қосан Мамытовтың есімі берілді

Төлеби ауданының 90 жылдығына орай 29.10.2022 жылы Төлеби ауданы Зертас елді мекенінде Зертас ауылдық округі әкімі аппаратының жергілікті бюджетінен және ауыл кәсіпкерлерінің, қызы Роза апайымыздың демеушілігімен салынған Қосан Мамытов атындағы саябақтың ашылу салтанаты өтті. Мерекелік шараға аудан әкімінің орынбасары Лесбек Әуезханұлы, аудандық мәслихат хатшысы Нұрлан Хамзаұлы қатысып, тұрғындарды демалыс орнының ашылуымен құттықтап, ізгі тілегін жеткізді.