Террористер Түркістандағы Қожа Ахмет Ясауи кесенесін жарып жібермек болған. Бұл туралы Ұлттық Қауіпсіздік Комитеті төрағасының орынбасары Руслан Сейсембаев Шанхай Ынтымақтастық Ұйымы Аймақтық терроризмге қарсы құрылымының 40 -шы кеңесінде мәлімдеді. Маманның сөзінше, Қазақстанда күшейген лаңкестік қауіп тұрақты күйінде қалып отыр. Мамандар жыл сайын кемінде екі лаңкестік әрекеттің алдын алады.
Руслан Сейсембаев, Ұлттық Қауіпсіздік Комитеті төрағасының орынбасары: «Қазақстанда жоғары террористік қауіп сақталып отыр. Жыл сайын кем дегенде осындай 2 шабуылдың алдын аламыз. Мысалы, биыл дайындықтың ерте кезеңінде Түркістандағы Қожа Ахмет Ясауи кесенесін қолдан жасалған жарылғыш құрылғымен жарудың жолы кесілді. Астанада халық көп жиналған жерде қарумен шабуыл жасамақ болғандар ұсталды».