Қаза тапқан полицейдің отбасына құрмет көрсетілді

Түркістан облысы полиция департаменті Тәрбие және кадр жұмысы басқарма бастығының орынбасары Ерлан Шамшат, Есенгелді Шалабаев және Сауран аудандық полиция бөлімі бастығының кадр саясаты жөніндегі орынбасары Төлеген Сейдалиев Отбасы күні меркесіне орай қызметтік міндетін атқару кезінде қаза тапқан полицей Айтжан Құдіретуллаұлы Гайбуллаевтың шаңырағына арнайы барды.

Айтжан ағамыздың жұбайы Гаухар Сүйлейменова мен оның отбасын мерекемен құттықтап, Түркістан облысы полиция департаменті бастығының Алғыс хатын арнайы табыстады.

Өз міндетін абыроймен атқарған полицейлерге деген құрмет ешқашан толастаған емес. Осының бір айғағы қызметтік міндетін атқару кезінде қаза тапқан полицей Айтжан Құдіретуллаұлы Гайбуллаевтың атына өзі білім алған «Бабайқорған» мектебінен «Батылдық бұрышы» мен Кадет сыныбы ашылған. Онда тәртіп сақшысының өмірбаяны мен суреттері қойылған.