“ЕСІРТКІГЕ ЖОЛ ЖОҚ!” акциясы аясында волейбол бәсекесі өтті

Шымкент қалалық “Жастар ресурстық орталығы” КММ-нің ұйымдастыруымен “Есірткіге жол жоқ!” акциясы аясында волейболдан жолдастық кездесу ойындары өтті. Іс-шара саламатты өмір салтын насихаттау және жастарды зиянды әдеттерден аулақ болуға шақыруды мақсат еткен.

Есірткіге қарсы күреске акциясы аясында жоғары оқу орындары арасындағы жолдастық кездесуге Мирас университеті, Өзбекәлі Жәнібеков атындағы ОҚПУ, Орталық Азия Инновациялық университеті және Жастар ресурстық орталығының қызметкерлері қатысты.

Спорттық бәсекеде қатысушылар командалық рухты нығайтып, спорттың адам денсаулығына пайдасын көрсете білді. Сайыста командалар жоғары деңгейде шеберлік танытты.

Жарыстың нәтижесі бойынша Мирас университеті командасы 1-орын, Өзбекәлі Жәнібеков атындағы ОҚПУ командасы 2-орынды жеңіп алды. Орталық Азия Инновациялық университеті командасы жүлделі 3-орынға иелік етті. Іс-шараның қорытындысында барлық қатысушылар мен жеңімпаздар арнайы дипломдармен марапатталды.