Алматы әуежайы рейстердің неге кешіккенін түсіндірді

Алматы халықаралық әуежайы мен Air Astana компаниялар тобы 17 ақпандағы рейстердің кешігуін кешегі рейстердің кейінге шегерілуі мен тоқтатылуымен байланыстырады, деп хабарлайды BAQ.KZ.

Олар ұшу кестесін қалпына келтіру үшін бар күш-жігерін салып жатқанын хабарлады.

16 ақпанда Алматы әуежайындағы қолайсыз ауа райына байланысты бірқатар рейс кешікті. Толассыз жауған қардың салдарынан ұшу-қону жолағын үздіксіз тазарту және ұшақтарды мұздан тазарту үшін қосымша уақыт қажет болды. Бұл ұшақтардың келуіне де әсер етті.

Қонғаннан кейін кейбір ұшақтар өз орнында қалды, өйткені тұрақтардың барлығы халықаралық және отандық әуекомпаниялардың таңертеңгі және күндізгі рейстерін орындаған ұшақтарға толы болды. Бұл жағдай бүгінгі күнге дейін рейстердің тізбекті кешігуін тудырды.

17 ақпанда Алматы әуежайында әуе кемелерінің тәуліктік ұшу және ұшу жоспарының едәуір ұлғаюына байланысты рейстердің кешігуі жалғасты. Форс-мажорлық жағдайларға байланысты техникаға, баспалдақтарға, автобустарға, жол жүк транспортирлеріне қосымша жүктеме пайда болды, бұл өз кезегінде жол жүгін түсіруді кідірті.

Air Astana әуекомпаниясының жерүсті қызмет көрсету жөніндегі вице-президенті Александр Небога аталған жағдайға түсініктеме береді:

Қазіргі уақытта Air Astana, FlyArystan авиакомпанияларының және әуежай қызметтері жақын арада кестені қалпына келтіру үшін күшейтілген режимде жұмыс істеп жатыр. Кешіккен рейстердің жолаушыларына тамақ пен сусындар берілді. Алматыда 70-тен астам жолаушы және Астанада 90 жолаушы қонақ үйлерге орналастырылды. Call Centre-ге қоңырау шалу үшін қосымша қызметкерлер тартылды. Рейстердің кешігуі жолаушыларға қолайсыздықтар әкелетінін түсінеміз, бірақ ауа райы жағдайлары әуекомпаниялардың кестесіне айтарлықтай әсер етуі мүмкін. Өйткені біздің басты басымдылығымыз қауіпсіздік, – деді ол.