«Ақсу-Жабағылы» мемлекеттік табиғи қорығы

  Орта Азия мен Қазақстанның ең бірінші және ескі қорығы “Ақсу-Жабағылы” 1926 жылы 30 мың гектарға ұйымдастырылды; 1948 жылы оның аумағы 73 мың гектарға дейін ұлғайды. Қорық Талас Алатауының солтүстік-батыс шетінің көп бөлігін және онымен іргелес Өгем жотасының бөлігін алып жатыр. Бұл биік таулы Көкүйрум және Жасыл көлдері, Жабағылы, Шұңғылдақ және Бұғұлытора Мұз айдындары, Балдабрек өзенінің алабындағы Дарбаздың тар жартас қақпасы, Майдантал өзенінің Ұлы алқабы. Қора шатқалындағы сұр жартастың жұмбақ массивтері түгелдей дерлік осы аумақты 250 миллион жыл бұрын палеозой дәуіріне жабған үлкен теңіздің мекендеушілері – ежелгі жануарлардың (Корал, губкалар, моллюскілер) қатпарланған сүйектерінен тұрады. Ақсу-Жабағылы қорығы өзінің жарты ғасырлық тарихында республикамыздың табиғатын қорғау ісіне орасан зор үлес қосып, ЮНЕСКО белгіленген халықаралық маңызы бар қорықтар қатарына жатқызылған. 2022 жылдың 5 ай қортындысы бойынша 486 демалушы келеген.