Түркістан облысының полициясы қашанда жақсылық жаршысы болып, көмек қажет еткен жанның қасынан табылуға асығады.
Мәселен Ордабасы аудандық полиция бөлімінің учаскелік полиция инспекторы Нұртас Изхан түнгі кезекшілігін тапсырып, үйіне қайтып бара жатқан жолда өз аумағына қарасты мекенжайда тұратын 82 жастағы ақсақалдың жалғыз жүргенін байқайды.
Содан сөз қасиеті мен қадірін жете түсінген учаскелік полицей, ақсақалды өз шаңырағына жеткізіп, бата алуды жөн санайды. Өз кезегінде ақсақал полицейдің жанашырлығын жоғары бағалар, ақ батасын беріп, жұмысына сәттілік тілейді.
Түркістан облысының полицейлері жолда қалған тұрғындар, жоғалған балалар, қандай да бір көмекке мұқтаж жандардың жәрдемшісі болып, жанынан табылуды міндет еткен. Мұндағы басты мақсат — халыққа жақын полицей болу!