Облыстық сотта кеңейтілген кеңес өтті
Түркістан облыстық сотында 2024 жылдың бірінші жартыжылдығында жергілікті соттардың сот төрелігінің жүзеге асыру жұмыстарын қорытындылау бойынша кеңейтілген кеңес өткізілді. Кеңес жұмысына Түркістан облыстық соттың төрағасы А.Сұлтанов, сот алқаларының төрағалары, облыстық соттың судьялары, аудандық және оған теңестірілген соттардың төрағалары мен судьялары, сондай-ақ, Сот әкімшілігінің Түркістан облысы бойынша Департамент және сот Әкімшілерінің басшылары мен мамандары қатысты.
Кеңейтілген кеңес шеңберінде, облыстық соттың алқа төрағалары мен міндеттерін атқарушылары Т.Оңғарбаевтың, Н.Биболовтың, А.Байтурованың және Сот әкімшілігінің Түркістан облысы бойынша департамент басшысы А.Апбастың аудандық соттардың материалдық-техникалық жағынан қамтылу жағдайына баяндамалары тыңдалды.
Судья А.Жаңбырбаева судьялардың іс-әрекетіне шағымдарды қарау тобының жұмыс қорытындылары жөнінде ақпаратты қатысушылардың назарына жеткізді.
Судья Әдебі жөніндегі комиссия төрағасы Т.Оңғарбаевтың атқарылған жұмысы жөнінде баяндама жасап өтті.
Жиналыс жұмысын қорытындылай келе, облыстық соттың төрағасы А.Сұлтанов сот төрелігінің сапасын жақсарту, судьялар мен кеңсе қызметкерлерінің кәсіби деңгейін арттыру, соттардың жариялылықпен ашықтығын қамтамасыз ету бағытында және ағымдағы жылдың екінші жартыжылдығында атқарылуы тиіс жұмыстар бойынша нақты тапсырмалар жүктелді.
Кеңейтілген кеңес марапаттау рәсімімен жалғасып, 24 маусым – Судья және сот қызметкерлері күні кәсіби мерекесіне орай, судьялар мен сот қызметкерлері төсбелгілер, құрмет белгілері, құрмет грамоталары мен алғыс хаттары табысталды.
Қазақстан Республикасы Сот әкімшілігінің Түркістан облысы бойынша департамент басшысы А.Апбастың төрағалық етуімен 2024 жылдың бірінші жартыжылдығында атқарылған жұмыстарды қорытындылау бойынша кеңейтілген жиналыс өткізілді.
Жиынға басшы орынбасары Д.Жұмаділов, бөлім басшылары мен жергілікті сот әкімшілерінің басшылары қатысты.
Жиын барысында құрылымдық бөлім басшыларының есептері тыңдалды.
Жиналыс соңында құжаттардың орындалу жәй-күйі талқыланып, Сыбайлас жемқорлыққа қарсы іс-қимыл туралы Заң, Әдеп Кодексінің талаптары және атқарушылық тәртіпті қатаң сақталуы тапсырылды.
Ағымдағы жылдың екінші жартыжылдығында атқарылуы тиіс жұмыстар бағыты айқындалып, нақты тапсырмалар жүктелді.
Сайт 29.03.2021 жылы Қазақстан Республикасы Ақпарат және қоғамдық даму министрлігінің Ақпарат комитетінде №KZ09VPY00033817 куәлігімен тіркелген.
Меншік иесі: «NUR-MEDIA PR GROUP» компаниясы.
Материалды көшіріп басу кезінде bainews.kz сайтына тікелей гиперсілтеме көрсету міндетті.
Сайтымыздың мобильді қосымшасын жүктеп алыңыз.