Таразда шахматтан ҚР балалар кубогының бірінші кезеңі аяқталды

Таразда классикалық шахматтан Қазақстан Республикасы балалар кубогының бірінші кезеңінің жеңімпаздарын марапаттау рәсімі өтті.

Бір аптаға созылған жарыс Жамбыл облысы әкімдігі мен Қазақстан шахмат федерациясының қолдауымен ұйымдастырылды.

Жарысқа еліміздің 17 облысынан 6 мен 14 жас аралығындағы 325 жас шахматшы қатысты. Жамбыл облысының атынан 63 спортшы бақ сынады.
Жас шахматшылар тоғызыншы айналымда швейцариялық жүйе бойынша ойнады.
Жамбыл облысының әкімі Ербол Қарашөкеев өз сөзінде жастарды спортқа баулу үшін мұндай шаралардың маңыздылығы зор екенін атап өтті.

Аймақ басшысы өткен жылы спортты дамытуға 14,2 миллиард теңге бөлініп, 9 спорт кешені пайдалануға берілгенін атап өтті. Биыл 13 спорт нысанының құрылысын аяқтау жоспарлануда.
Өз кезегінде Қазақстан шахмат федерациясының президенті Тимур Турлов барлық қатысушыларға ризашылығын білдіріп, шахмат ойынының маңыздылығын және оның бүкіл әлемге танымал екендігін атап өтті.

Байқау қорытындысы бойынша 8, 10 және 12 жасқа дейінгі жас санаттары бойынша жеңімпаздар марапатталды. Жалпы жүлде қоры үш миллион теңгені құрады.