Шымкентте қызылша ауруы өршіп тұр

Шымкентте жыл басынан бері 2 300-ден астам адамнан қызылша ауруы анықталған. Оның 80 пайызын 14 жасқа дейінгі балалар құрап отыр. Яғни, аталған аурумен көбінде балабақша тәрбиеленушілері мен мектеп оқушылары науқастанатын көрінеді.

Мамандардың айтуынша, бұл жағдай тұрғындардың қызылша мен қызамыққа қарсы екпе қабылдау мәселесіне немқұрайлы қарауынан туындап отыр.

Жанаргүл Жақсылықова, Шымкент қаласының СЭБД бөлім басшысы: “2023 жылдың 28 қыркүйегіне тіркелген қызылшаның алғашқы диагнозымен 2 386 адам ауырды, оның ішінде 1 657 жағдайының диагнозы зертханалық және клиникалық көрінісімен расталған, басқа диагнозға 128 ауыстырылған, 601 жағдайда диагноз нақтылауда. Ауырғандардың 14 жасқа дейінгі балалар 2 052 жағдай (86,0%). Сондай-ақ ауырғандардың 334 жағдайы  (13,9%) егілмеген немесе егілуі белгісіз ересектер”.

Санэпидемиологтердің айтуынша, қызылшамен ауырғандардың 13 пайызы екпе алғандар, ал қалған бөлігін егуден бас тартқандар. Ауруға қарсы екпе бала 1 жасқа толғаннан кейін үш айдың ішінде салынады. Одан соң 6 жасында тағы салынады.

Дәрігерлер екпе алмағандарға емханадан оны тегін салдыруға болатынын ескертеді. Айта кетейік, егу туралы мәліметке қанықпаған азаматтар осы ауруға жиі шалдығады екен. Сондықтан да сала мамандары аурудың клиникалық белгілерін байқаған кезде дереу дәрігердің көмегіне жүгінуге шақырады.