Аудан әкімдігінің мәжіліс залында мемлекеттік көрсетілетін қызметтер жәрмеңкесі ұйымдастырылды. Онлайн форматта өткен жиынды аудан әкімі аппараты ақпараттандыру және мемлекеттік қызмет көрсету мониторингі бөлімінің бас маман-баспасөз хатшысы Т.Шыңғысбай жүргізіп отырды. Жәрмеңкеге Төлеби ауданының қорғаныс істері жөніндегі біріктірілген бөлімінің мемлекеттік қызмет және өтініштерді қабылдау қызметкері М.Сванкулова, аудандық полиция бөлімінің көші-қон қызмет тобының аға инспекторы полиция майоры Т.Есжанов және аудандық полиция бөлімінің азаматтық және қызметтік қару айналымының бақылау тобының инспекторы Т.Сопиев қатысып, баяндама жасады. Сонымен қатар әлеуметтік желіге келіп түскен сұрақтарға жауап берді.