2022-2023 жылдардағы жылыту маусымына арналған профилактикалық іс-шаралар жоспарына сәйкес Ленгір қаласындағы Қ.Дүйсемұратұлы және Базар көшелері бойындағы 2 қабатты көппәтерлі тұрғын үйлерде үгіт-насихат жұмыстары жүргізілді.
Бірлескен іс-шараға Ленгір қаласы әкімі аппараты, аудандық төтенше жағдайлар бөлімі, аудандық полиция бөлімі қызметкерлері және аудандық жастар ресурстық орталығының еріктілері қатысты. Түсіндірме жұмыстары барысында өрт қауіпсіздік ережелері мен төтенше жағдайлар туындаған кездегі іс-қимылдар түсіндіріліп, арнайы жаднамалар таратылды. Өрт – тілсіз жау. Сондықтан аудан тұрғындарын өрт қауіпсіздік ережелерін қатаң сақтауға шақырамыз!
Төлеби ауданы әкімінің баспасөз қызметі