35748 әскери бөлімінің жөндеу ротасы тактикалық-арнайы жаттығу өткізді

Жауынгерлік даярлық бағдарламасына сәйкес 35748 әскери бөлімінің жөндеу ротасының әскери қызметшілері шартты түрде істен шыққан әскери техниканы жөндеу және техникалық қызмет көрсету тапсырмаларын сәтті орындады. Капитан Нұрлан Мұстафаевтың басшылығымен ротаның жеке құрамы дабыл бойынша көтеріліп, шартты ауданға шығарылды. Онда олар мобильді жөндеу шеберханаларын қолдана отырып, қару-жарақты, әскери және арнайы техниканы қалпына келтірудің әртүрлі кезеңдерін пысықтады.

Қамтамасыз ету бөлімшелерін орналастырудың белгіленген аймағында жөндеу ротасының жеке құрамы әртүрлі агрегаттар мен сыныптағы техникаға қызмет көрсету және жөндеу міндеттерін орындады. Оқу-жаттығу барысында дала жағдайында жөндеу-қалпына келтіру жұмыстарын жүргізуге арналған 14 бірлік әскери мамандандырылған техрниканы жұмылдырылды.

Жөндеу жұмыстары қозғалтқыш пен трансмиссия сияқты негізгі техника жүйелерін қалпына келтіруді қамтыды. Бұл әскери қызметшілерге өз дағдыларын жетілдіріп қана қоймай, шектеулі уақыт пен ресурстар жағдайында стандартты емес және күрделі міндеттерді шешуді үйренуге мүмкіндік берді.
Рота командирі капитан Нұрлан Мұстафаевтың айтуынша мұндай оқу-жауынгерлік міндеттерді пысықтау, жауынгерлік әзірлікті арттыруда маңызды рөл атқарады екен.
– Тұрақты орналасу пунктінен едәуір қашықтықта жұмыс істейтін қару-жарақ пен әскери техникаға қызмет көрсету және жөндеу бөлімшелердің жоғары жауынгерлік қабілетін сақтауда шешуші рөл атқарады. Біздің әскери қызметшілер жасырыну қағидаларын сақтай отырып, заманауи техникалық қызмет көрсету және жөндеу машиналарын пайдалана отырып, кез келген күрделіліктегі қалпына келтіру жұмыстарын орындау қабілетін көрсетті. Олар уақыт пен дәлдік маңызды болған жағдайда тамаша үйлестіру мен жұмыс істеу қабілетін көрсете білді. Мұндай дағдылар жауынгерлік жағдайда тапсырмаларды тиімді орындау үшін қажет, – деді ол.
Сонымен қатар, жаттығу барысында техниканың жауынгерлік қабілетіне жедел қалпына келтірудің маңызды элементі болып табылатын мобильді жөндеу шеберханаларында жұмыстарды ұйымдастыруға да ерекше назар аударылды. Жұмыстар жауынгерлік жағдайға жақын жағдайларда жүргізілді, бұл ротаның жеке құрамына тез жөндеу және техниканың әрі қарай пайдалануға дайындығын қамтамасыз ету дағдыларын тәжірибеде пысықтауға мүмкіндік берді.