Жалақы жұмысшының негізгі қажеттіліктеріне жетуі керек – Кәсіподақтар федерациясы

Кәсіподақтар федерациясының төрағасы Сатыбалды Дәулеталин “Жұмысшы мамандықтар жылын жариялау туралы” Президенттің Жарлығына қатысты пікір білдірді, деп хабарлайды BAQ.KZ тілшісі.

Мемлекет басшысы Қасым-Жомарт Тоқаевтың Жарлығымен 2025 жыл “Жұмысшы мамандықтарының жылы” болып жарияланды. Бұл – Қазақстандағы миллиондаған еңбеккерлердің лайықты еңбегіyt қолайлы жағдайлар жасауды нығайтуға мүмкіндік беретін әділ және өте маңызды шешім.Ел экономикасының нақты секторын модернизациялау жоғары білікті жұмыс күшінсіз, еңбегінсіз мүмкін емес екені анық. Сондықтан экономиканың осы кәсіптік топ өкілдеріне сұранысты арттыруs өте маңызды, ол негізінен жастар есебінен толықтырылуға тиіс, – дейді федерация басшысы.

Сатыбалды Дәулеталиннің сөзінше, Кәсіподақтар федерациясы жастар арасында жүйелі жұмыс жүргізуді жалғастырып келеді.

Жұмысшы мамандықтарының беделінің төмендігі, жастар арасында сұранысқа ие болмауы сынды мәселелерді қандай да бір жекелеген шаралар қабылдау, белгілі бір жекелеген институттардың ықпалы арқылы шешу мүмкін емес. Жалақыны көтерумен қатар, әртүрлі кәсіптердің беделін теңестіру, қоғамдық бағалаудағы түрлі білім деңгейін талап ететін сабақтардың диспропорциясын жою үшін біраз уақытты қамтитын үлкен жұмыс қажет. Сондай-ақ кәсіптік бағдар беру сипатындағы ақпараттандыру жұмысын күшейту қажет. Табысты еңбек мысалдары, кәсіптер мен өндірістің түрлері туралы толық ақпарат – қоғамда мектеп қабырғасынан бастап кеңінен насихатталуы керек, – деп санайды ол.

Төрағасының айтуынша, еңбеккеақы төлеу – қоғамның еңбектің маңыздылығын, құндылығын және беделін бағалау өлшемі. Әлеуметтік-экономикалық игілікті жасаушы Еңбек адамы мұқтаж болмауы керек. Жұмысшының жалақысы оның барлық негізгі қажеттіліктерін, соның ішінде жеке тұлға ретінде дамуы мен өзін-өзі жетілдіру мүмкіндігін қамтуы керек.

Кәсіподақтар 2030 жылға дейін Қазақстан Республикасында Қауіпсіз еңбек тұжырымдамасын іске асыруға белсенді қатысуды жалғастырады және кәсіпорындарда “Халықтық бақылау” жобасын одан әрі енгізуді және “Vision Zero” нөлдік жарақаттану тұжырымдамасына қосылуды ілгерілетеді.

Жұмысшы мамандықтарының жылында біз әлеуметтік әріптестермен бірлесе отырып, әрбір tңбек адамына қолайлы жағдай жасауға айтарлықтай ықпал ете алатынымызға сенімдімін. Бүгінде Қазақстанға іргелі жаңа үлгідегі әлеуметтік-экономикалық құрылым жүйесін қалыптастыруға жеткілікті әлеуеті бар, принципті түрде жаңа қатынастарға енгізілген және мұндай қатынастарға қатысу білімі, дағдысы және мәдениеті бар жұмысшы қажет. Еңбек адамы – мемлекеттің үдемелі экономикалық дамуы мен өркендеуінің негізі. Еңбек адамын қолдау оның ерен еңбегін құрметтеу мен мойындаудан басталады, – деп айтты Кәсіподақтар федерациясының төрағасы Сатыбалды Дәулеталин.