Заңға енгізілген өзгерістер талқыланды

Сарыағаш аудандық сотының ұйымдастыруымен Қазақстан Республикасының ҚПК-нің 106 бабымен түсетін шағымдар мен кейбір заңнамалық актілеріне әйелдердің құқықтары мен балалардың қауіпсіздігін қамтамасыз ету мәселелері бойынша енгізілген өзгерістер мен толықтырулар бойынша дөңгелек үстел өткізілді.

Іс-шараға судья Ж.Орынбаев, аудандық прокуратура қызметкерлері, Сарыағаш АПБ-нің басшылары мен тергеушілері, анықтаушылары, учаскелік полиция инспекторлары,сот-дәрігерлік сарапшылар қатысты.

Дөңгелек үстелді Ж.Орынбаев ашып, 2024 жылдың 15 сәуіріндегі №72-VIII заңымен кейбір заңнамалық актілеріне әйелдердің құқықтары мен балалардың қауіпсіздігін қамтамасыз ету мәселелері бойынша енгізілген өзгерістер мен толықтыруларды таныстырып, алдағы уақытта Әкімшілік құқық бұзушылық кодексінің 73 бабы бойынша келіп түсетін арыздар енді Қылмыстық кодекстің 108-1 және 109-1-баптарыменқылмыстық іс қозғалып, яғни қазір бұл санат жазасы күшейтіліп қылмыс санатына жатқызылғанын айтып өтті.

Сонымен қатар, ҚПК-нің 106 бабымен келіп түсетін шағымдарды қарау және бұлтартпау шараларын таңдау санкциялары бойынша да тоқталып өтіп, өзекті мәселелерді талқылады.

Іс-шараны қорытындылап, құқық қорғау органдарының қызметкерлеріне

сотқа дейінгі тергеп-тексеру кезінде кемшіліктерге жол бермей, заң талаптарын қатаң сақтауды ескертті.