Түркістандық бұрымдылар ел чемпионатында бас жүлдеге таласуда

Түркістандағы Балуан Шолақ спорт кешенінде баскетболдан 14-15, 10-11 жас аралығындағы қыздар арасында Қазақстан Республикасының чемпионаты басталды.

Рухани шаһарда жалауын түрген елішілік жарыстың жеңімпаздары 19- қарашада анықталатын болады.

Баскетболдан жасөспірім қыздар арасында басталған Ел чемпионаты ә дегеннен қыза түсті. Жарысқа келген әрбір команда бас жүлде үшін таласта бар күш-жігерлерін салуда.

Түркістан облысының баскетболдан аға жаттықтырушысы Жанат Арапованың айтуынша, спортшылар осы елшілік жарыс арқылы шыңдалып, Қазақстан құрамасына алынатын болады. Себебі осы жас ерекшелігі бойынша келер жылы Азия чемпионаты өтуі бек мүмкін.

Жарысқа еліміздің: Астана, Алматы, Шымкент, Түркістан қалалары мен Павлодар, Ақтөбе, Жетісу, Түркістан облыстары және Түлкібас, Сайрам ауданынан жалпы 12 команда келген қатысуда.

Тартысқа толы өтіп жатқан Ел чемпионатында бас жүлдеге Түркістан қаласы мен Алматы, Шымкент, Жетісу қалаларының бұрымдылары таласуда.