Түркістан қаласында «Жеті Таңдыр» дәмханасының екінші қабатынан өрт шықты, деп хабарлайды Sputnik Қазақстан.
Облыстық төтенше жағдайлар департаменті ұсынған ақпаратқа сәйкес, бүгін сағат 11:48-де Түркістан қаласындағы «Әзірет-Сұлтан» қорық-музейінің қорғау аймағының сыртындағы екіқабатты «Жеті Таңдыр» дәмханасының 2-қабатында өрт шықты.
«Өрт басталғаннан кейін алты минуттың ішінде ТЖД-ның алғашқы көмегі келді. Өрт сөндірілді, зардап шеккендер жоқ. Айта кетейік, дәмхананың «Керуен сарай» ойын-сауық кешеніне еш қатысы жоқ»,- дейді департамент мамандары.
Құтқарушылар келгенше дәмханада отырған барлық адам сыртқа шығып үлгерген.