Түркістан облысының тұрғынынан сора тәркіленді

Түркістан облысының тұрғынынан сора тәркіленді, – деп хабарлайды Polisia.kz.

Келес аудандық полиция бөлімінің жергілікті полиция қызметінің учаскелік полиция инспекторлары қызмет атқару барысында құрамында есірткісі бар өсімдік түптерін заңсыз өсірген жергілікті тұрғынды анықтады. Полиция күдіктінің ауласын тінту барысында, 5 литрлік контейнерден құрамында есірткіге ұқсас өсімдіктің үш түбін тапты. Сараптамаға сәйкес тәркіленген есірткі түптері жалпы салмағы 65 грамнан асатын сора болып шықты. Анықталғандай, жас жігіт есірткі өсімдігін елді мекендердің бірінен тауып, үйіне әкеліп, өз ауласына отырғызған. Қазіргі таңда құрамында есірткі заты бар өсімдікті заңсыз өсіру фактісі бойынша қылмыстық іс қозғалды. Тергеу жүргізіліп жатыр, барлық жағдай анықталады.

Ақпарат көзі Polisia.kz сайтында: https://polisia.kz/turkistan-oblysynyng-turghynynan-sora-tarkilendi/