Түркістан облысында автомобиль жолдарын тазарту жұмыстары қарқынды жүруде
![](https://bainews.kz/wp-content/uploads/2022/01/272164186_1099430207471928_6705273061714941029_n-905x613.jpg)
Түркістан облысындағы облыстық маңызы бар автомобиль жолдарын қардан тазалау және тайғақты жерлерге құм-тұз араласқан инертті заттар себу жұмыстары жүруде. Ағымдағы жылдың 18-19 қаңтары күндері облыстағы жолдарға 933 750 шаршы метр инертті заттар себілген. Жалпы қысқы маусымға көктайғаққа қарсы 8 500 текше метр құм, 675 тонна инертті материалдар дайындалған. Жолдарды қыста күтіп ұстау жұмыстарына 354 жұмысшы, 125 бірлік арнайы техника жұмылдырылып отыр.
![](https://bainews.kz/wp-content/uploads/2022/01/272186565_1099430434138572_7117901787870605561_n.jpg)
2021 жылдың 23 қарашасынан бастап республикалық маңызы бар автомобиль жолдарының 321 шақырымы ақылы жүйеге енгізілген болатын. Ақылы жолдарды күтіп ұстау жұмыстарын «Шымкент-Ташкент», «Шымкент-Тараз» бағыттары бойынша – «ШымкентСпецКомплекс» ЖШС-і, «Шымкент-Қызылорда» бағыты бойынша – «South Road» ЖШС-і жүргізуде. Қалған 402,1 шақырым автожол – «Қазақавтожол» ЖШС тиесілі.
Қысқы маусымда қауіпті саналатын облыстық маңызы бар автомобиль жолдарының бойында 4 жылыту бекеті орналасқан. Олар: Бәйдібек ауданындағы «Қошқарата-Жарықбас-Бірлік» автомобиль жолы бойындағы «Шыбықбел» және «Ұланбел-Созақ-Шаян-Екпінді» автомобиль жолындағы «Одаманбұлақ» жылыту бекеттері. Сондай-ақ, Созақ ауданындағы «Жамбыл облысы шекарасы-Құмкент-Шолаққорған-Кентау» автомобиль жолының 63-шақырымындағы «Ащысай» және «Ұланбел-Созақ-Шаян-Екпінді» автомобиль жолы бойындағы «Таскөмірсай» жылыту бекеттері. Аталған бекеттердің әрқайсысы бір мезгілде 30 адамды қабылдай алады. Сондай-ақ азық-түлікпен және жылыту үшін 68 тонна көмір отынымен қамтамасыз етілген.
![](https://bainews.kz/wp-content/uploads/2022/01/272201910_1099430130805269_2893769487588634592_n.jpg)
Түркістан облысының Өңірлік коммуникациялар қызметі