Еліміздегі қасіреттің аяқталғанының белгісі іспеттес болғандай өңірімізде алғашқы бәйшешек гүлдеді. Бәйдібек ауданындағы Боралдай тауында гүлдеген бәйшешекті «Сырдария өңірлік табиғи паркі» Боралдай филиалының директоры Бақытжан Қырықбай суретке түсірген.
Көктемнің келгенін білдіретін гүл жыл санап ерте гүлдеуде. 2017 жылы 17 қаңтарда көзге түссе, былтыр 1 ақпанда байқалған. Ал биыл 14 ақпан күні бәйшешек гүлдеп, оңтүстік өңірге көктемнің жақындағанда білдіріп тұрғандай.