Биыл Түркістан облысында 57 елді мекен көгілдір отынмен қамтылады. Жыл соңына дейін 122 мың абонент газ желісіне қосылады. Сөйтіп, табиғи отын тұтынушылар көрсеткіші 78 процентке жетеді. Қазіргі таңда 103 нысанның құрылысы жүріп жатыр. Оған республикалық бюджеттен 16,5 млрд теңге қаржы бөлінген. Қалған 35 нысанның құрылысы келер жылы жалғасады. Сондай-ақ ескі газ құбырлары мен газ таратушы станцияларын қайта жөндеп, іске қосу жұмыстары қоса атқарылуда. Алдағы 3 жылда 200 елдімекенді табиғи газға қосып, қамту деңгейін 87%-ға жеткізу көзделіп отыр. Десек те, халық саны аз 22 елдімекен экономикалық тұрғынан тиімсіз деп танылған. Руслан Мұздыбеков, облыстық энергетика және ТҮКШ басқармасының басшысы: — Шарада қаласында 10 шағын ауданға газ жеткізіледі. Одан бөлек 3 газ тарату станциясы, 3 газ жеткізу құбыры. Тиісінше жыл қорытындысымен біздің газбен қамтылатын елді мекендер 465 елді мекеннен 522 елді мекенге дейін жеткізілетін болады.
Ақпарат: https://24.kz/kz/zha-aly-tar/o-am/item/620457-t-rkistan-oblysynda-122-my-abonent-gaz-a-osylady