Теміртау қаласының ақыны республикалық айтыстың бас жүлдесін жеңіп алды

 Дәстүрлі республикалық “Армысың, Әз-Наурыз” айтысында Қаныш Сәтбаевтың 125 жылдығы мен Қарағандының 90 жылдығына орай 14 ақын бақ сынасты. Жеті суырыпсалма ақындар жұбы алты сағат бойы шешендік өнерлерін ортаға салып, өзара сайысты.

Айтыскерлер Сәкен Сейфуллин атындағы Қарағанды театрының сахнасында Қаныш Сәтбаевтың еңбегі мен кеншілер астанасының жетістіктерін ғана емес, сонымен қатар өз аудандарының, қалаларының және жалпы Қарағанды облысының өзекті мәселелерін қозғады. Олардың қатарында жолдардың жағдайы, кеншілердің еңбек жағдайлары және тағы басқалар болды.

Финалға төрт ақын өтті. Үшінші орынды Нұра ауданының ақыны Жандос Бақытұлы мен Қарқаралы ауданының айтыскері Бекарыс Оспанов өзара бөлісті. Екінші орынды Сырым Бейсенбек (Ұлытау облысы) және Нұрмұхамед Байсүгіров (Қарағанды) иеленді. Ұлытаудан келген Думан Самат бірінші болды. Бас жүлдеге Теміртау ақыны Еркеғали Бекболат ие болды.

– Менің ойымша, біз көрермендердің үмітін ақтай алдық. Барлығы жақсы дайындалды, – деді Еркеғали Бекболат.

Қарағанды облысы әкімінің орынбасары Ерлан Құсайын “жастар айтыстарға қатыса отырып, ұлттық рухты нығайтып, қазақ халқының құндылықтарын насихаттайтынын” атап өтті.