Шымкентте бокстан халықаралық турнир басталады

29 қыркүйекте Шымкентте Кеңес Одағының батыры Қарақозы Әбдалиевті еске алуға арналған бокстан ерлер арасында халықаралық турнир жалауын көтереді.

Жарысқа Қазақстанның барлық аймағынан және бірнеше елден 150 боксшы қатысады деп күтілуде.

Осымен 43-ші рет өтетін беделді бәсекенің Қазақстан боксшылары үшін биыл орны бөлек болмақ. Себебі, дәл осы шаршы алаңда Азия чемпионатына құрам қарастырылады.

Жарысқа кез келген аймақтан, кез келген боксшы қатыса алады. Яғни, бұл – Ашық турнир.Турнир 5 қазанда мәресіне жетеді.

Еске салсақ, Алматыдағы бокс кешінде Данияр Елеусіновтің қарсыласы жекпе-жекті аяқтай алмады.Қазақстандық боксшы Данияр Елеусінов (11-0, 6 КО) ұзақ уақыт үзілістен кейін рингке оралды.Ол Алматыда өткен бокс кешінде филиппиндік Джо Нойнаймен (23-4-2, 11 КО) жұдырықтасты.филиппиндік бірінші және төртінші раундтта нокдаун алды.

Данияр Елеусінов өзінің кәсіби мансабындағы он екінші жеңісіне қол жеткізіп, WBC Peace белдігін жеңіп алды. Ал Джо Нойнай бесінші рет жеңіліске ұшырады.