Сауран: Елордада жерлесіміз Бексейтов Ержан «ҚАЙЫРЫМДЫЛЫҚ ҮШІН» төсбелгісімен марапатталды
2023 жылғы 18-29 қазан күндері Елорда төрінде азаматтық қоғамды қалыптастыру тетіктерін талқылау алаңына айналған «Әділетті Қазақстан: баршаға және әркімге — азаматтық қоғам дамуының басты векторы» атты XI Азаматтық форум өтті.
Форумда Сауран ауданының құрметті азаматы, Майдантал ауылдық округіндегі «Әйтеке би » атындағы мектептің мұғалімі Бексейтов Ержан Құлахметұлы қайырымдылық саласындағы құрметті атақ «Қайырымдылық үшін» төсбелгісімен марапатталды.
Марапатты Қазақстан Республикасының мәдениет және ақпарат вице-министрі Данияр Кадиров табыстады. Бексейтов Ержан Ынталы елдімекенінде қайырымдылық жұмыстар атқарып, әлеуметтік жағдайы төмен отбасыларға әлеуметтік көмек көрсетіп, 2 отбасыға баспана салып беруге атсалысты.
Ержан Құлахметұлын алған марапатымен құттықтап, отбасына бақ — береке мен қайырымдылық саласындағы жұмыстарына табыс тілейміз!
