Сарыағаш: тұрғындар мәселесі шешімін табуда

Бүгін аудан басшысы Арман Абдуллаев Ақжар ауылдық округіне арнайы барып, Ақжар елді мекенінде орта жөндеуден өткізілген жолдарды аралап, сапасын бақылады.

Айта кетсек, аудан әкімі Арман Абдуллаевтың халықпен кездесуіндегі тұрғындар өтінішін жол картасына енгізген болатын.Тұрғындар өтінішіне сәйкес аудан басшысының тапсырма орындалуда.

Нақтырақ айтсақ, Ақжар елді мекені аумағындағы Жамбыл және Төле би көшелерінің жалпы 1,5 шақырымы орташа жөндеуден өткізу. мақсатында бюджеттен қаржы бөлініп, бүгінгі таңда асфальт жамылғысын төсеу жұмыстары аяқталып, тұрғындар игілігіне пайдалануға берілді.

Сондай-ақ, жолдың жай-күйін бақылаған аудан басшысы жол құрылысына жауапты мердігер мекеме өкіліне және жауапты бөлім басшысына аталған кемшіліктерді мерзімінде қалпына келтіруді тапсырды.

Сарыағаш ауданы әкімінің баспасөз қызметі