Сарыағаш: тұрғындар мәселесі оң шешімін табуда

Бүгін аудан басшысы Арман Абдуллаев Жібек жолы ауылдық округіне арнайы барып, Жаңатұрмыс елді мекеніндегі жол жөндеу жұмыстарының барысын бақылады.

Айта кетсек, аудан әкімі Арман Абдуллаевтың наурыз айында өткен халықпен кездесуіндегі Жібек жолы ауылдық округ тұрғындарының өтінішін жол картасына енгізген болатын.Тұрғындар өтінішіне сәйкес аудан басшысының тапсырма орындалуда.

«Ауыл-Ел бесігі» бағдарламасы аясында Жібек жолы ауылдық округі Жаңатұрмыс елді мекені Амирханов, М.Габдуллин, Мәдәлі, П.Айнаходжаев, А.Байназаров, А.Сейтов, Самал, А.Алдияров көшелерінің жалпы 8 шақырымына орташа жөндеу жұмыстарына облыстық бюджет есебінен қаржы бөлініп,қазіргі таңда жол жөндеу жұмыстары жүргізілуде.

Жол жөндеу жұмыстарының барысын бақылаған аудан әкімі жауапты мердігер мекемелер өкілдеріне және жауапты бөлім басшысына жөндеу жұмыстарын сапалы және мерзімінде аяқтауды тапсырды.