Бүгін аудан әкімі Арман Абдуллаев Сарыағаш қаласын дамыту жоспарына сәйкес атқарылып жатқан жұмыстарына арнайы барып, мән-жайымен танысты.
Аудан басшысы қала аумағын аралау барысында алдымен Мөлтек шағын ауданындағы балалар ойын алаңшасы мен спорт алаңшаларын және автотұрақ салу бойынша атқарылып жатқан жұмыстар барысын бақылады.
Қазіргі таңда, спорт алаңшасына газон төсеу, айналасын қоршау және жарықтандыру жұмыстары жүргізілуде.Сондай- ақ автотұрақ салу жұмыстары мәресіне жетіп, халық игілігіне пайдалануға берілді.Балалар ойын алаңшасының құрылысы жұмыстары жүргізілуде.
Сонымен қатар,аудан әкімі Арман Абдуллаев С.Дүйсебаев көшесіндегі сағат мұнара аумағын абаттандыру жұмыстарымен де, танысты.
Аудан әкімі Дамыту жоспарына сәйкес атқарылып жатқан жұмыстарды саралай келе мекеме өкіліне бірқатар ескертулер беріп, жұмыстарды сапалы түрде белгіленген мерзімде аяқтауды тапсырып, қала әкіміне жұмысты ұдайы бақылауда ұстауды жүктеді.