⚜️Бүгін Созақ ауданы полиция бөлімінің мәжіліс залында, Созақ АПБ учаскелік полиция инспекторы полиция капитаны Атабаев Жомарт Төлбасыұлы зейнет жасына жетуіне байланысты құрмет демалысына шығарып салу шарасы болып өтті. ✅Атабаев Жомарт осы уақытқа дейін Ішкі істер органдарында 30 жылдан аса, адал қызмет атқарып, қоғамдық қауіпсіздікті сақтауда зор үлесін қосқан ?Созақ ауданы полиция бөлімінің бастығы Ж.Нысанбаев алғыс хат және бағалы сыйлықтар табыс етіп: «Қоғамдық тәртіпті қамтамасыз ету -маңызды міндет. Абыройлы қызметте ел тыныштығы үшін атқарған еңбегіңіз көп жылдық тәжірибеңіздің жоғары көрсеткіші. Маңызды мәселелерде батыл әрі шұғыл тиісті шешімдер қабылдай алатын қасиетіңіз саладағы жас мамандарға үлгі-өнеге. Қоғам тыныштығын сақтап, адал еңбегіңіз үшін алғыс білдіремін! Отбасыңызға амандық, деніңізге саулық тілеймін!»,- деп жылы лебізін білдірді.
Бөлімінің қызметкерлері де ізгі тілектерін білдіріп шығарып салды.