Полиция интернет алаяқтарының жолын кесу мақсатында «ANTI-FRAUD» жедел іс-шарасын өткізуде
Қазақстан Республикасы Ішкі істер министрлігінің нұсқауына сәйкес, ағымдағы жылдың 12-14 қараша аралығында республика аумағында ақпараттық технологияны пайдалана отырып жасалатын құқықбұзушылықтарға, оның ішінде, интернет алаяқтыққа қарсы күрес тиімділігін арттыру мақсатында
Ордабасы ауданы көлемінде прокуратура қызметкерлерімен бірлесе отырып, «Аnti-Fraud» жедел профилактикалық іс-шарасы өтуде.
Сонымен қатар, аудан көлеміндегі халық көп шоғырланатын орындар мен жеке кәсіптік нысандарға, қоғамдық орындарға интернет алаяқтыққа қарсы ескертпе үнпарақтары жабыстырылып, аудан тұрғындарына тиісті түсіндірме жұмыстары жүргізілуде.