Отбасы күніне орай балалар арасында сурет байқауы өтті

Жетісай аудандық полиция бөлімінің ұйымдастыруымен «Отбасы күніне» орай бастауыш сынып оқушылары арасында асфальтқа сурет салу сайысы өтті.

Шараға қаламыздағы М.Горький мектеп-гимназиясының оқушылары қатысты. Шараның мақсаты — балаларға мерекелік көңіл-күй сыйлай отырып, олардың шығармашылық қабілеттерін дамыту. Оқушылардың тарихи — мәдени және рухани құндылықтарын бағалау. Олардың бойында Отбасына деген сүйіспеншілікті арттырып, елінің нағыз патриоты болуға баулу.

Сайысқа белсенді қатысқан және жеңімпаз оқушылар анықталып, полиция бөлімінің ұжымы атынан сыйлықтар табыс етілді.

Түркістан облысы ПД баспасөз қызметі