Облыс әкімі Қаратау қаласындағы бірқатар нысандарды аралады

Жамбыл облысының әкімі Нұржан Нұржігітов Талас ауданына жұмыс сапары барысында Қаратау қаласы, Б.Момышұлы көшесіндегі №13 көпқабатты тұрғын үйдің құрылыс жұмыстарымен танысты.

80 пәтерлі тұрғын үйді жаңғырту жұмыстары ағымдағы жылдың қыркүйек айында аяқталады деп күтілуде.

Сондай-ақ, 3 мөлтек ауданы №5 және №6 жатақханалардың құрылысын көрді. Жалпы, 100 пәтерді құрайтын екі тұрғын үй қыркүйек айына дейін пайдалануға дайын болады деп жоспарлануда.

Тұрғын үйлер кезекте тұрғандарға беріледі.