Отырықшы өмір салтының денсаулыққа зияны бұрыннан белгілі болғанымен, соңғы зерттеулер бұл қауіпті күшейтті, деп хабарлайды BAQ.KZ тілшісі.
Зерттеу нәтижелері Alzheimer’s & Dementia журналында жарияланды. Вандербильт университеті мен Питтсбург университетінің ғалымдары ұзақ уақыт бойы қозғалыссыз отыру немесе жату Альцгеймер ауруының дамуында басты қауіпті факторы болып табылатынын анықтады.
Зерттеу жеті жыл бойы жүргізіліп, 50 жастан асқан 404 адамды қамтыды. Тәжірибеге қатысушылар бір апта бойы физикалық белсенділіктерін тіркейтін құрылғыларды пайдаланды. Кейінгі жеті жылда олар когнитивті тесттерден және МРТ зерттеулерінен өтті.
Тәжірибе көрсеткендей, қатысушылардың ұзақ уақыт бойы отырғанына немесе жатқанына қарай олардың жады нашарлап, ми құрылымдарының көлемі азайған.