Кезекті жиырмасыншы сессия өтті

Төлеби аудандық мәслихаттың жетінші шақырылымындағы кезекті жиырмасыншы сессиясы өтті. Сессияның күн тәртібінде 5 мәселе қаралды. Алғашқы болып өзіне жүктелген функциялар мен міндеттердің орындалуы барысы туралы аудан әкімі Төлеген Телғараев баяндады.

Сессияда Төлеби аудандық мәслихатының 2021 жылғы 23 желтоқсандағы №13/74-VII «2022-2024 жылдарға арналған аудандық бюджет туралы» шешіміне өзгерістер енгізілді.

Күн тәртібіне сәйкес, Төлеби аудандық мәслихатының 2021 жылғы 29 желтоқсандағы №14/80-VI «2022-2024 жылдарға арналған қала, ауылдық округтердің бюджеттері туралы» шешімі толықтырылды.

Төлеби аудандық мәслихатының 2017 жылғы 29 наурыздағы «Төлеби аудандық мәслихатының 2015 жылғы 21 шілдедегі №42/207-V «Төлеби ауданында бөлек жергілікті қоғамдастық жиындарын өткізу туралы және жергілікті қоғамдастық жиынына қатысу үшін ауыл, көше, көппәтерлі тұрғын үй тұрғындары өкілдерінің санын айқындау тәртібін бекіту туралы» №13/74-VI шешімі өзгертілді.

Ауданның әлеуметтік-экономикалық дамуына үлес қосқан бірқатар азаматтарды Төлеби ауданының Құрмет Грамотасымен марапаттау мәселесі қаралып, депутаттардың қолдауына ие болды.

Сессия барысында депутаттар күн тәртібінде көтерілген мәселелер бойынша өздерінің сұрақтарын қойып, ұсыныс-пікірлерін ортаға салды. Жиында қаралған мәселелерге тиісті шешімдер қабылданды. Сессия алдында тұрақты комиссиялардың бірлескен отырысы өткізіліп, барлық мәселелер жан-жақты талқыланды.

Төлеби ауданы әкімінің баспасөз қызметі