Қарағандыда тұрғындармен диалог құру орталығы ашылды

 Қарағандыда халыққа консультациялық көмек көрсету үшін құрылған мемлекеттік және сервистік қызметтер орталығы жұмысын бастады. 

Оның негізінде тұрғындармен диалог орталығы ұйымдастырылды. 

Азаматтарды алғашқылардың бірі болып білім, кәсіпкерлік, 

сондай-ақ энергетика және ТКШ басқармаларының басшылары қабылдады.

Тұрғындарға ыңғайлы болу үшін кіреберісте ресепшн жұмыс істейді, онда мемлекеттік органдар басшыларын қабылдау кестесі орналастырылған, электрондық кезек нөмірлері беріледі. 

Диалог орталығының өзінде күтуге арналған жұмсақ дивандар, 

электронды табло

және сәбилері бар келушілерге арналған балалар аймағы бар.

– Бұл диалог орталығы тұрғындарға осында келіп, өз сұрақтарын қою үшін арнайы құрылған. Бұрын адамдар бірнеше ай бойы белгілі бір басшымен кездесуге бара алмайтын кездер болған. Енді мұндай проблема болмайды. Олар кесте бойынша орталықта азаматтарды айына бір рет, ал қажет болған жағдайда екі рет қабылдайтын болады, – дейді Қарағанды облысы әкімдігінің жеке және заңды тұлғалардың өтініштерімен жұмыс жөніндегі бөлімінің басшысы Қаныш Бұхаршин. – Мұнда келушілер үшін қолайлы жағдайлар жасалған. Олар қабылдау бөлмесінде нөмірлерін алады, кезек күтеді және сұрақтарын шешеді. Біз диалогтың мұндай форматын бірінші кезекте тұрғындар оң бағалайтынына сенімдіміз.

Ғимаратта мүмкіндігі шектеулі азаматтар үшін де жағдайлар қарастырылған.

Қарағандылық Никита Зырянов – орталыққа алғашқы келушілердің бірі. Ол энергетика және ТКШ басқармасы басшысының қабылдауына келді.

– Біздің “Күнгей” шағын ауданымызда орталық жылу көзі жоқ, барлығы пештерді көмірмен қыздырады немесе үйлерді электр қазандықтарымен жылытады. Мені бізге табиғи газ қашан жететіні қызықтырады. Мен бұл сұрақты энергетика және ТКШ басқармасының басшысына қойып, жауап алдым. Маған ол біздің ауданға газ 2025–2026 жылдары келеді деп айтты. Негізінде бұл жақын арада болады, мен өте қуаныштымын, – дейді Никита Зырянов. – Сондай-ақ, мемлекеттік органдардың азаматтар үшін ашық болып, осындай жерлерде қабылдаулар жүргізе бастағаны қуантады.

Раушан Тоқжігітова Көкпекті ауылынан энергетика және ТКШ басқармасы басшысының қабылдауына келді. Оны туған ауылындағы электр желілерін жаңғырту мәселесі толғандырады.

– Бізде электр желілері тозған, жаңғыртуды қажет етеді. Ауа-райы қолайсыз болған кездері екпіндер пайда болады, электр қуаты өшеді. Бүгін модернизацияның қашан болатынын білуге келдім. Менің сұрағым жазылды, жауап беруге уәде берді, – деді Раушан Тоқжігітова. – Осындай орталық құрылғанына қуаныштымын. Бұрын шағын ауылдардың тұрғындары өз мәселелерін жергілікті жерлерде, тек өз әкімдіктері деңгейінде шешетін немесе облыс әкімінің келуін күткен. Енді біз өз мәселелерімізді айту үшін кез келген басқарма немесе департамент басшысымен жеке кездесе аламыз.

Мемлекеттік және сервистік қызмет көрсету орталығы Тәттімбет көшесі, 709, мамандандырылған ХҚКО және облыстық еңбек ұтқырлығы орталығымен бір ғимаратта орналасқан.