Қарағанды облысында 5,5 мыңнан астам ШОБ жобасын қолдау көрсетіледі

 Қарағанды облысы республикада алғашқылардың бірі болып кәсіпкерлер үшін бөлшек сауда салығын 4-тен 2%-ға дейін төмендетті. Бұл өзінің тиімділігін көрсетті: арнайы салық режимі бойынша салық түсімі 18 есе өсті. Енді бұл шараны одан да көп кәсіпкерлер пайдалана алады. 2024 жылдан бастап 364 қызмет түрі бөлшек салық СТН-ға жатады, тізбе екі есеге жуық кеңейтілді.

Биыл қолдаудың барлық бағыттары бойынша 5,5 мыңнан астам ШОБ жобасын қаржыландыру жоспарлануда.

– 2023 жылы қолдау шаралары кәсіпкерлікті дамыту жөніндегі ұлттық жоба және өңірлік бағдарламалар шеңберінде жүзеге асырылды. Барлығы 23 млрд теңгеге 5,5 мың Бизнес жобасы қаржыландырылды. Бұл субсидиялау, кепілдік беру, гранттық қаржыландыру және жеңілдікті несиелеу сияқты құралдар, – деді кәсіпкерлік басқармасы басшысының м. а. Абзал Рахымбаев аппараттық кеңесте.

Оның айтуынша, облыста бизнестің іскерлік белсенділігі артып келеді. Бүгінгі таңда 100 мыңға жуық кәсіпкерлік субъектісі жұмыс істейді.

Мемлекеттік қолдаудың арқасында облыста өңдеу өнеркәсібі дамуда. Тек “Кәсіпкер” өңірлік бағдарламасы бойынша өткен жылы осы салада 15 жоба қаржыландырылды.

Абзал Рахымбаев биылғы жылы осы бағдарлама бойынша бизнес үшін жағдайлар жеңілдейтінін, ал сыйақы мөлшерлемесін 7-ден 6%-ға дейін төмендетуді жоспарлап отырғанын айтты.

Абзал Рахымбаев бизнесті мемлекеттік қолдаудағы жаңалықтар туралы хабардар етті. Жаңа ережелер 2024 жылдың 18 қаңтарынан eGov.kz-те көпшілікке қол жетімді.

– Инновациялардың негізгі мақсаты – тиімді жобаларды қолдау. Жаңа бағдарламада барлығы алты бағыт болады: шағын кәсіпкерліктен ірі кәсіпкерлікке дейін. Бұл ретте бағдарламаны бюджеттік қаржыландыру: өңдеу өнеркәсібіне – 50%, өзге салаларға – 30% және микрокәсіпкерлікке – 20% бөлінеді, – деп түсіндірді спикер.

Гранттар тек әлеуметтік кәсіпкерлерге және “Бір ауыл – бір өнім” жобасының жеңімпаздарына берілетін болады. Сондай-ақ, инновациялардан ӘКК субсидиялау арқылы өңірлік бағдарламаларды іске асыру қарастырылған.

Облыс әкімі Ермағанбет Бөлекпаев инновациялар туралы ақпаратты барлық кәсіпкерлерге жеткізу қажеттігін атап өтті.Ол үшін өңірлік кәсіпкерлер палатасының өкілдерімен бірлесіп, қалалар мен аудан орталықтарында ғана емес, ірі кенттерде де кездесулер өткізу қажет.