Қамаудағылардың қауіпсіздігін қамтамасыз етуші полицейдің бір күні

Асылжан Сержанұлы Ергешов 2007 жылдан бері ІІО-да қызмет атқарады. Бүгінгі таңда Сайрам аудандық Полиция басқармасының уақытша ұстау изоляторының бастығы лауазымында абыройлы қызмет етіп келеді.

Кейіпкеріміздің әрбір күні аумаққа қарау жүргізуден басталады. Ары қарай кезекшіліктегі қызметкерлердің жұмысын тексеріп, тәртіпті түсіндіріп, қызметтік міндеттерін атқару мәселесі бойынша нұсқаулық өткізеді.

Сонымен қатар қамауда отырған адамдардың күн тәртібіне сәйкес ас қабылдау, таңғы жаттығу, серуендеу алаңына шығару жұмыстарын атқарады

Полицей болу асқан жауапкершілікті, шыдамдылықты, іскерлікті қажет етсе, оның ішінде уақытша ұстау изоляторының жұмысы ауыр әрі қауіпті. Десе де бүгінгі кейіпкерімізбен жеке құрамы халыққа қалтқысыз қызмет етуге қашанда дайын.

Түркістан облысы ПД баспасөз қызметі