“Кафеде отырып ақша алған”: Ауыл шаруашылығы министрлігі комитетінің төрағасы сотталды

Қостанайда сыбайлас жемқорлық ісі бойынша сот үкімі шықты. Ауыл шаруашылығы министрлігі Мемлекеттік инспекция комитетінің төрағасы Дархан Әбдікәрімов бас бостандығынан айырылды. Бұл туралы KAZ.NUR.KZ облыстық сотқа сілтеме жасап хабарлайды. Қостанай қаласының №2 сотында Ауыл шаруашылығы министрлігі комитетінің төрағасы А.-ға қатысты пара алу (Қылмыстық кодекстің 366-бабы 2-бабы) және ЖШС директоры О.-ға қатысты ақша түріндегі пара беру бойынша (Қылмыстық кодекстің 367-бабы 2-бабы) қылмыстық іс қаралды. “2024 жылдың маусым айында А. Қостанай қаласы Маяковский көшесінде орналасқан үйдің кіреберісінде ЖШС директоры О. өзінің қызметкері арқылы берген 2 000 000 теңгені алды, содан кейін тамыз айында СОО-да орналасқан кафеде бола отырып, А. мен ЖШС-нің 78 125 000 теңге сомасына бір көзден алу тәсілімен пестицидтерді сатып алу туралы шарт жасасқаны үшін 2 400 000 теңге мөлшерінде параны тікелей О.-дан алды”, – делінген хабарламада.

Сотқа дейінгі тергеп-тексеру барысында күдіктілер қылмыс жасағаны үшін кінәні толық көлемде мойындады, өкініш білдірді, осыған байланысты іс сотқа жеделдетілген сотқа дейінгі тергеп-тексеру хаттамасымен келіп түсті. Сотталушылар А. және О. кінәні толық мойындады, ал олардың қорғаушылары соттан оларға айыппұл түрінде бас бостандығынан айыруға байланысты емес жаза тағайындауды сұрады. Сот жазаны тағайындау кезінде сотталушылардың қылмыстық жауапкершілігі мен жазасын жеңілдететін мән-жайлар ретінде олардың шын жүректен өкінуін және кінәні толық мойындауын мойындады. Сотталушылардың жеке басын, сыбайлас жемқорлық ауыр қылмыстар санаттарына жататын жасаған іс – әрекеттерінің сипаты мен қоғамдық қауіптілік дәрежесін, іс бойынша барлық мән – жайларды, сондай-ақ Қылмыстық кодекстің 55-бабы 3-бөлігінің талаптарын ескере отырып, сот мемлекеттік қызметте лауазымдарды атқару құқығынан өмір бойына айыра отырып, жазаларын ҚАЖ орташа қауіпсіздік мекемелерінде өтеумен А.-ға 3 жыл 6 ай мерзімге және О.-ға 3 жыл мерзімге бас бостандығынан айыру түріндегі жазаны тағайындады. А.-дан алынған пара сомасы 4 000 000 теңге мемлекет кірісіне айналдырылды, сондай-ақ параның қалған сомасының құны 400 000 теңге мемлекет кірісіне өндірілді. Үкім заңды күшіне енген жоқ.