Елордада жағалауларға “Шомылуға тыйым салынады” белгілері орнатылды

 Астана қаласы ТЖД елорданың су қоймаларында қауіпсіздікті қамтамасыз ету үшін “Шомылуға тыйым салынады” белгілерін орнатты, деп хабарлайды BAQ.KZ.

Астана қаласы ТЖД мәлімдеуінше, қалалық әкімдігімен бірлескен осы жұмыстардың барысында суға шомылу кезеңінде тұрғындарды ақпараттандыру және қауіпсіздікті қамтамасыз ету бойынша алдын алу жұмыстары жүргізілді.

Құрметті елорда тұрғындары мен қонақтары жылы күндердің басталуына байланысты жүздеген демалушылар табиғатқа шығып, бос уақыттарын су айдындарының жанында өткізеді.

Астана қаласының Төтенше жағдайлар департаменті ресми шомылу маусымы басталмағанын ескертеді.

Осыған байланысты қаланың су қоймаларында шомылуға тыйым салынады! Балаларды суға жібермеңіздер және оларды қараусыз қалдырмаңыздар! Өзіңізді және жақындарыңызға сақ болыңыздар!