2025 жылдың басынан бастап Ресей әскери күштерінің Украинадағы ілгерілеуі бәсеңдеп, шабуылдар саны азайған, деп хабарлайды BAQ.KZ «Европейская правда» басылымынына сілтеме жасап.
Британдық барлаудың бағалауынша, 2025 жылғы наурызда Ресей Украина аумағының шамамен 143 шаршы километрін басып алған. Бұл орта есеппен күніне 5 шаршы километрден де аз.
Ресейдің алға жылжу қарқыны 2024 жылғы қарашадан бері ай сайын төмендеп келеді. Ол кезде ресейлік күштер 700 шаршы километрден астам аумақты басып алған еді.
Наурыз айында Ресей ең үлкен нәтижелерге Донецк облысының орталық бөлігінде жеткенімен, өздерінің операциялық жағдайларын айтарлықтай жақсарта алмаған. Сонымен қатар, украин әскерлері Покровск маңындағы кейбір ресейлік жетістіктерді жоққа шығарып, тактикалық қарсы шабуылдар жасаған.
Айдың соңында Ресей шабуылдарының санын арттырғанымен, бұл ілгерілеу қарқынын күшейтуге әкелмегені айтылған.