Астанада “Қарттарға қуаныш сыйла” акциясы ұйымдастырылды

 “Шарапат” әлеуметтік қызмет көрсету орталығында «Қарттарға қуаныш сыйла” акциясы өтті. Соның аясында орталықтың 35 жылдығына орай қарттарға арналған концерт ұйымдастырылды, деп хабарлайды BAQ.KZ тілшісі.

Іс-шараның мақсаты – ұрпақтар арасындағы байланысты нығайту және егде адамдарға қолайлы жағдай жасауға атсалысу.

Жоба 3 жыл қатарынан ұйымдастырылып келеді. Биылғы іс-шара “Шапарат” орталығының 35 жылдығына тұспа-тұс келіп отыр. Бұл іс-шарада еріктерлер игі қызметтер атқаруға жұмылдырылады. Бүгін біз респбулика бойынша “қарттарға көмек қолымды созамын” деген азаматтарға акция ұйымдастырдық. Акция күзге дейін созылады. Күзде кім көп қызмет атқарды, сол адамды біздің қоғамдық бірлестік марапаттайтын болады, – деді “Maрхабат.kz” мүгедектер қоғамы” қоғамдық бірлестігінің төрағасы Дарын Сагдолдин.

Ерікті болып қызмет атқарып жүрген Әзиза Сымбатқызы бүгінгі іс-шараның қалай өтіп жатқанын айтты.

Бүгін “Шапарат” орталығының 35 жылдығына орай іс-шара өткізіп жатырмыз. Бұл шаралар жылда өткізіледі. Біз өз тәжірибемізде жалғызбасты қарттарға азық-түлік алып беріп, үйінің ұсақ-түйек шаруларына аяқтап береміз. Өзім 2 жыл бойы ерікті болып жүрмін. Меніңше ойымша, кезінде қарттар да болашақ ұрпағы үшін барын салды, сондықтан біз оларға көмектесуге әзір болуымыз керек. Әзірше қатарымызда әртүрлі мекемеден 8 ерікті бар. Жалпы, ел жастарына жақсы үлгі көрсетуге тиіспіз деп білемін, – деді ерікті.