Алматы облысында қар көшкініне қарсы профилактикалық жұмыс жүргізілді, деп хабарлайды BAQ.KZ.
Талғар ауданындағы «Ақбұлақ» спорттық-сауықтыру кешенінің шаңғы базасында қар көшкінін жоспарлы профилактикалық түсіру жұмыстары жүргізілді. Теңіз деңгейінен 2664 метр биіктікте «Ақбұлақ» базасының көшкін жиналған жерлерінде ГАЗЕКС құрылғысының көмегімен 5 жарылыс жүргізілді. Жалпы көлемі – 380 текше метр.
Алдын алу жұмыстарына ҚР ТЖМ «Қазселденқорғау» ММ филиалының Алматы облысы ТЖ, «Ақбұлақ» спорттық-сауықтыру кешеннің қызметкерлері мен техникасы жұмылдырылды.
Демалушыларға таулы жерлерде қауіпсіздік шараларын сақтау туралы брошюралар таратылды.