Бұл туралы Төтенше жағдайлар министрлігінің баспасөз қызметі мәлімдеді, деп хабарлайды BAQ.KZ.
10 ақпанға қараған түні Еңбекшіқазақ ауданы Нұрлы ауылынан 20 шақырым жерде қар құрсауында екі автокөлік тұрып қалды.
Оқиға орнына құтқарушылар дереу шықты. Қоңырау шалу орнына дейінгі қашықтық 170 шақырым. Құтқарушылар қар құрсауында кептеліп қалған техника мен ондағы адамдарды шығарды. Медициналық көмек қажет болған жоқ. Азаматтар ең жақын елді мекенге жеткізілді.
Қыс мезгілінде қауіпсіздік ережелерін сақтауды және дауылды ескертулер мен жолдардың жабылуы туралы SMS алған кезде алыс жолға шықпауды сұраймыз.