Түркістан қаласында құрылыспен қатар мәдениет саласына да үлкен көңіл бөлініп жатыр. Түркістанды түркі әлемінің мәдени және рухани орталығына айналдыру жолында театрдың маңызы зор. Өткен жылы ел игілігіне пайдалануға берілген музыкалық драма театрында осыған дейін бірқатар қойылымдардың премьерасы өтіп те үлгерді. Спектакльдерді тамашалауға еліміздің түкпір-түкпірінен өнер және мәдениет майталмандары, зиялы қауым өкілдері және Түркістан қаласының өнерсүйер қауымы келуде.
Жазушы-драматург Ермек Аманшаевтың либреттосы бойынша қойылған «Қорқыт туралы аңыз» пластикалық спектаклінің премьерасын тамашаладық. Қорқыт ата – түркі халықтарының ортақ рухани абызы, ойшыл, жырау, қобызшы. Әлемді қобыз үнімен әлдилеген тарихи тұлға.
Рөлдерді сомдағандар — елімізге танымал театр майталмандары. Жақсы әсер алдық. Ойландық. Өнер ұжымына шығармашылық табыс тілеймін!
«Қорқыт туралы аңыз» пластикалық спектаклінің премьерасы
