Саяхаттап жүргеніне 48 күн болған ақсақал қазірдің өзінде 1900 шақырым жүріп өтті.
Жетісулықтар Сәрсенбай Қотырашевты қалаға кіре беріс жерде күтіп алды, деп хабарлайды Экспресс К @jetysu_jastary Instagram парақшасына сілтеме жасап.
Алматыдан шыққан Сәрсенбай Қотырашев Жетісу жеріне бір апта бойы жүріп келген. Талдықорғанға жеткен саяхатшы енді Семей қаласына жол тартпақ.
Ақсақалдың айтуынша, Қазақстанды аралау туралы ой оған алты жыл бұрын келген. Күніне 40 шақырым жүретін ол сапарын биыл қазан-қараша айларында аяқтауды жоспарлап отыр.